陀B日子﹣Week 5

 自從開始左我地既B計劃， 每次M遲到都令到我忐忑不安。一直恨做媽媽既我， 心裡總是希望M不要來。失望左兩個月。 今個月， 有一種預感， 我應該得左， 因為遲遲都沒有M到先兆（通常M到前兩三天腹部就開始隱隱作痛）！但為免失望兼浪費D驗孕棒棒， 我給自己定了一個限期， 要遲夠一個星期先俾自己TEST。 係最後個日， 我凌晨4點幾醒左訓唔返， 一味仲諗緊會唔會有左呢？ 反正都醒左， 就黎個了結， 半夜三更走去驗孕。

終於得嘗所願．．．．．．． 

登登登登！係兩條線架！！！！

雖然恨左好耐，不過．．．．唔知點解，個刻個心情冇想像中咁開心， 咁興奮。亦都冇話興奮到要即刻剿醒老公話佢知，（反正剿都剿唔醒， 而且呢咁重要既事， 一定要搵個好時候講， 係佢訓到矇矇鬆鬆既時候講， 盞自己冇癮～）。好冷靜咁走返上床再訓過。唔知係咪心裡作用， 覺得有D肚餓， 又唔知點解， 覺得大左肚啦， 唔可以俾自己餓親， 即刻去叮杯熱鮮奶飲：P

終於都天光啦， 夠鐘返教會啦！我等到去到教會先同佢講， 準爸爸俾既反應係。。。。。冇乜反應， 仲俾我感覺到佢有D徬徨， 不知所措。其實我明既， 雖然BB唔係意外， 係我地計劃生既， 但係做人阿爸阿媽係好大好長遠既責任，諗到呢一層， 有咁既反應都係好正常既。見到準爸爸咁， 我都開始驚驚地， 驚做路

陀B日子﹣Week 4

Week 4既時候仲未知道己經有左，
仲興至勃勃跟Tracy一家去Blue Mountain一日遊， 
 BB咁細個己經跟住我地玩， 嘻嘻～

自家制日式叉燒

哈哈！好耐冇寫BLOG啦～對上一篇都成半年前， 再唔寫， 恐怕再拖落去， 個BLOG會就咁停左．．．但係我唔會俾佢發生既，因為我實在太中意寫BLOG啦，只不過我更中意訓覺， 所以每日拖下拖下， 咁就停左半年。黎緊會放一個星期假， 我要努力重搭記憶， 將呢半年既事記低。

公司最近來了個新同事， 非常咁中意整野食， 差唔多日日都帶佢整既美食俾我地歎， 仲係真係好食個隻！同佢傾傾下， 再加上最近睇多Masterchef, Ironchef之類既節目，令我又煮癮大發， 出返個煮野食既POST。

呢個日式叉燒， 唔係好難， 不過都需要時間同心機， 將D肉扎實， 煮兩個小時．．．


做法：

（1）梅頭肉一塊， 捲起再用綿繩扎實

（2）出水

（3）下薑蔥蒜把肉卷煎至金黃（鎖住肉汁＋定型）

（4）加日本醬油（1 cup），Mirin (1 cup) ，老抽 （2湯匙），糖 （2茶匙），蔥，蒜， 薑， 水煮滾， 再慢水鹵兩小時

（5）同時間可烚雞蛋待用
（呢個烚蛋計時器好好用， 跟雞蛋一齊落， 就睇到雞蛋有幾熟）



（6）兩小時後．．．



（7）待涼，解開綿繩， 用保鮮紙包實， 雪凍

（8）食前才切片

（9）雞蛋剥殼後放入汁料待一晚即可

煮後心得： 

今次個日式叉燒都算成功， 最緊要扎得夠實， 而且一定要雪凍後才容易切片。（因為未雪凍，舊肉會容易散， 咁就唔靚架啦！）

略嫌唔夠肥， 下次要用舊肥D既梅頭。

可用來做拉麵配料。

老公都讚好， 可以上BLOG俾人睇！hehe:P

20101218-好友悉尼行 DAY 2

20110119

最近返工忙左好多， 不但只多左樣本做， 又成日壞機， 但不變既係我會準時鬆人去買餸！

是日湯水 ：

節瓜瑤柱冬菇煲豬𦟌

“我的”做法：

豬𦟌出水兩次， 加瑶柱薑片煲25分鐘左右； 節瓜去皮爆一爆然後加入， 冬菇切片加入， 煲多30﹣40分鐘， 加鹽調味即成。

20110118 ﹣ 落地開花

又打爛野（係“又”，因為成日都打爛野， 希望老公睇唔到D個Post~：P)

不易碎碟碎到咁既樣， 可惡！

20110117

今日放左工之後做左件好聽D就有童真， 唔好聽就幼稚既事， 不過係幫人做既， 所以唔講得住。遲D先可以公開！

20110116

昨天晚上和老公有點小爭執， 不過我返完教會回來又沒事了。夫妻間床頭打交床尾和都幾真架！不過最主要都係我個人唔小氣， 嘻嘻～： P

老公一月份個個Weekend都忙公事， 總之成個一月都唔夠訓， 好鬼辛苦．．．我都好努力照顧佢既飲食， 而佢都冇食杯麵（D個星期﹣＿＿﹣"）

老婆自從睇完中醫， 非常聽話兼有自制力， 除了飲中藥之外， 係飲食方面， 大部份都係清淡野；  戒凍飲（而家呢邊咁熱係唔容易架！我都好欣賞自己突然咁忍到～）， 只飲暖水。食有營養新鮮既食物和湯水； 戒即食食品同零食（少少都有食既， 不過真係好少架， 陣唔中一包紫菜同一兩粒糖咁囉）； 盡量唔出街食， 就算出街食， 都食D清淡野。煎炸野免問。而運動方面， 只係去左游水咁大把， 要持之已恆。

順帶要多謝我既姑仔， 因為我屋企冇藥煲， D中藥係佢幫我煲架！！（雖然人地話5碗水煲埋一碗， 佢就煲左3碗， 一劑藥都飲到我個肚脹爆）不過真係好多謝佢咁抵得諗！

"Ho zero， Thank you so much much much!!!"

最近成日都想食Pho, 好似上癮咁， 可能睇得Luke Nguyen多。不過Pho真係食唔厭架， 人地Vietnamese日日早餐都食佢架（＊Luke Nguyen係咁講， 我個Vietnamese同事證實)。Pho個湯底係有5種Spices再加牛腩煲8粒鐘而成， 一定落魚露（Fish sauce),  而用邊5種Spices就因地區而異喇！真係好好味架！！！！

20110115 - 與香港來的Blog友短聚

自從考到車牌以後，已經沒有再乘搭公共交通工具。今天約了從香港來的Blogger Wendy在City見面，因為在city泊車既貴且麻煩，我又再次選擇乘坐這邊的火車。雖然只有短短的兩個月時間自己開車，已經感到有點不習慣。首先，出門的時候，我要小心選擇所帶的東西，否則太重就會很不便，所以單鏡大機不得不放棄；可是由於將會長時間在外，一定要考慮天氣，外套雨傘又要放在身邊拿著，再者要帶東西在車程時解悶，結果我的包包還是蠻沉重的。由家裡走到車站的一段路已經夠折磨了。加上在這種熱得不動也可以出汗的曰子，居然給我來的都是沒冷氣的列車，未到city我就一身汗味。我有一次就是在這種侷熱的車廂不支暈倒！這個時間我怎能不懷念自己的車子。另一方面，縱然在出門前已查好火車時間表，不準時的火車依舊不準時， 累我遲到了。

酷熱的天氣下， 在這種露天的車站等火車， 苦！

上一班火車又不準時， 令我接不上下一班火車， 挨等！

如果我坐的是有冷氣的話， 就舒服得多， 可惜．．．．

終於到達Town Hall車站，幸好由車站行去Blog友酒店大部份是室內。經過一間很可愛的Cupcakes Shop．．．．．．．

不過漂亮的cupcake給我的感覺太人工， 可欣賞而不可吃～

The cupcake bakery@QVB basement

新的Westfield shopping centre, 玻璃幕牆很好看！

Town Hall Westfield

星期六的City熱鬧非常， 街頭賣藝的人多的是， 吸引超多圍觀的人呀！

街頭賣藝的人及圍觀者

快將開幕的Zara, 熱織期待！

Zara is here soon!!!

小女孩賣唱中， 可惜沒有人停下來欣賞～

A family band??

終於到達酒店， 快與素未謀面但又認識了好一段日子的Wendy見面， 有點緊張．．．．

Westin Hotel, Sydney

Wendy只有短短的一個多小時自由時間，因為我未食Lunch, 她陪我到QVB吃點東西。

“Wendy, 雖然見面時間很短， 但很開心你願意和我分享你的事情， 還送我這麼貼心的見面禮， 我是超級喜歡的啊～！！！第一次見面， 你給我的感覺很成熟， 獨立能幹， 很硬淨的那種女孩， 是我希望自己可以成為的那類型。不知我在你面前是不是很幼稚呢？希望日後你會再來悉尼啦～可以多點時間去玩。亦都祝福你在香港開開心心， 願望成真！”

me &Wendy＠QVB

 Thanks Wendy for these lovely present！Love them!

Wendy ﹠ me

Wendy@QVB

Wendy ﹠ Jeannie@ QVB

和Wendy分開後， 我自己閒逛City, 始終現在很少到City， 趁機會周圍看看．．．到Kinokuniya看書．．．最後在Freedon買了個浴室架，自己抬返屋企， 勁！ 

看準火車時間表， 差不多七點多點到家，（又是沒冷氣的車廂 ﹣＿﹣“）。

回到家立即和老公去游水，實踐我的健康生活， 我要努力呀！！

20101217 - 好友到步

其實冇寫Blog呢段日子， 都發生左好多好值得記念既事。好似上年十二月， 我的好朋友同佢老公黎澳洲玩。 呢個朋友識左有18年啦， 咁難得我地兩對couple係澳洲一齊玩， 所以一定要記低兼重溫一下。

12月17日（星期五）
今日佢地中午到達Sydney, 因為我未放工既關係， 我叫佢地搭Taxi去City搵我老公放低行李，然後係City逛下， 等到我老公放工就接佢地返屋企。係呢段時間， 我就係屋企執屋。雖然話大家咁熟， 同居左咁多年，佢都好清楚我個人有幾企理：P， 我亦唔介意佢見到我亂七八糟既狗竇。不過都係覺得個好友咁難得住係我屋企， 都想佢住得舒服D既～！


差不多六點幾， 佢地終於都到左我家．．．

因為我返早（5AM﹣1PM）， 再加埋一下子狂做家務， 佢地黎到我個人己經散晒， 反而佢地舟車勞動左一日， 重鬼咁精神， 放緊假真係唔同D。本來諗住帶佢地去Ribs and Rumps食扒， 但係星期五晚Book唔到位， 要到好夜先有得食， 最後去左The Ranch@ North Ryde食。


兩個老公研究緊食乜．．．

等食指定動作﹣影相

The Ranch 係自助形式， 自己搵位坐， 自己去Counter買野食俾錢， 之後俾個Call機既野你等攞野食。雖然冇人Serve， 不過我都幾中意個地方同食物。而且平日好多時有優惠Lunch, 都值得去架～

The Ranch 
Corner of Herring and Epping Roads 

Eastwood NSW 2122 

http://www.theranch.com.au/

我地四個人兩個Mains+一個Entree都好夠飽．．．．

食完飯都九點幾， 悉尼係冇乜夜生活既， 之後就返屋企。

我屋企得一房， 佢地要做廳長， 訓我地為佢準備既吹氣床， 咁就係佢地係Sydney既第一日喇！

 《待續．．．．．．．》

20110111﹣ 出血， 睇中醫

今日唔知醒， 搞到遲左返工， 未夠7點返到去都己經冇晒Parking spot, 要泊Mac Centre。因為每3個鐘要郁車一次, 明明有帶飯都走左出去食。食飽飽就出左一陣街， 結果出埋血， 買左樓下D堆野．．．．


藍色薄身外套（見佢質地好C服， 夏天去有冷氣既地方著）

Drawstring Neck Pock Jacket
From Portmans

白色連身短裙 （扮純情時候用既！：P）

Butterfly Bust Dress
From Portmans

Hello Kitty 睡衣一套 （特價HK睡衣， 又有我SIZE， 好難忍手～～～～）

Hello Kitty Pyjama
From Big W

假眼睫毛 （自己無， 又係特價， 而且見佢咁自然， 又買黎旁下身）

Eylure fake eye lash
From Big W

放左工之後約左Queenie姐姐食下午茶， 之後聽媽咪話去睇一睇中醫， 調理一下身體。醫生係一個好老既婆婆， 佢幫我打完脈就知道我平時有咩問題， 好似好勁咁。 我細個時好抗拒中醫， 一方面覺得睇中醫好娘， 另一方面覺得中醫好慢。好像頭痛， 傷風咳咁， 睇西醫啪粒丸就好快好啦， 中醫又要飲苦茶， 慢慢等才好。不過越大越覺得西醫同中醫係可以互補既， 而且中醫比我既感覺係比較治本。

今日個女醫師話我腎虛， 我上網SEARCH過， 好多都市人都有呢知問題。佢俾左個清單我， 叫我要識得“食”， 即係食中性既食物， 少食涼性同熱性。有時間我將佢打出黎， 同大家分享下。（因為我要早睡早起， 唔可以成日上網搞到夜訓啦！）