最近返工忙左好多， 不但只多左樣本做， 又成日壞機， 但不變既係我會準時鬆人去買餸！
是日湯水 ：
節瓜瑤柱冬菇煲豬𦟌
“我的”做法：
豬𦟌出水兩次， 加瑶柱薑片煲25分鐘左右； 節瓜去皮爆一爆然後加入， 冬菇切片加入， 煲多30﹣40分鐘， 加鹽調味即成。
2011年1月19日星期三
20110116
昨天晚上和老公有點小爭執， 不過我返完教會回來又沒事了。夫妻間床頭打交床尾和都幾真架！不過最主要都係我個人唔小氣， 嘻嘻～： P
老公一月份個個Weekend都忙公事， 總之成個一月都唔夠訓， 好鬼辛苦．．．我都好努力照顧佢既飲食， 而佢都冇食杯麵（D個星期﹣＿＿﹣"）
老婆自從睇完中醫， 非常聽話兼有自制力， 除了飲中藥之外， 係飲食方面， 大部份都係清淡野； 戒凍飲（而家呢邊咁熱係唔容易架！我都好欣賞自己突然咁忍到～）， 只飲暖水。食有營養新鮮既食物和湯水； 戒即食食品同零食（少少都有食既， 不過真係好少架， 陣唔中一包紫菜同一兩粒糖咁囉）； 盡量唔出街食， 就算出街食， 都食D清淡野。煎炸野免問。而運動方面， 只係去左游水咁大把， 要持之已恆。
順帶要多謝我既姑仔， 因為我屋企冇藥煲， D中藥係佢幫我煲架！！（雖然人地話5碗水煲埋一碗， 佢就煲左3碗， 一劑藥都飲到我個肚脹爆）不過真係好多謝佢咁抵得諗！
"Ho zero， Thank you so much much much!!!"
最近成日都想食Pho, 好似上癮咁， 可能睇得Luke Nguyen多。不過Pho真係食唔厭架， 人地Vietnamese日日早餐都食佢架（＊Luke Nguyen係咁講， 我個Vietnamese同事證實)。Pho個湯底係有5種Spices再加牛腩煲8粒鐘而成， 一定落魚露（Fish sauce), 而用邊5種Spices就因地區而異喇！真係好好味架！！！！
2011年1月15日星期六
20110115 - 與香港來的Blog友短聚
自從考到車牌以後，已經沒有再乘搭公共交通工具。今天約了從香港來的Blogger Wendy在City見面，因為在city泊車既貴且麻煩，我又再次選擇乘坐這邊的火車。雖然只有短短的兩個月時間自己開車，已經感到有點不習慣。首先，出門的時候，我要小心選擇所帶的東西，否則太重就會很不便，所以單鏡大機不得不放棄；可是由於將會長時間在外，一定要考慮天氣，外套雨傘又要放在身邊拿著，再者要帶東西在車程時解悶，結果我的包包還是蠻沉重的。由家裡走到車站的一段路已經夠折磨了。加上在這種熱得不動也可以出汗的曰子，居然給我來的都是沒冷氣的列車，未到city我就一身汗味。我有一次就是在這種侷熱的車廂不支暈倒！這個時間我怎能不懷念自己的車子。另一方面，縱然在出門前已查好火車時間表，不準時的火車依舊不準時， 累我遲到了。
酷熱的天氣下， 在這種露天的車站等火車， 苦！
上一班火車又不準時， 令我接不上下一班火車， 挨等！
如果我坐的是有冷氣的話， 就舒服得多， 可惜．．．．
不過漂亮的cupcake給我的感覺太人工， 可欣賞而不可吃～
 |
| The cupcake bakery@QVB basement |
新的Westfield shopping centre, 玻璃幕牆很好看！
 |
| Town Hall Westfield |
星期六的City熱鬧非常， 街頭賣藝的人多的是， 吸引超多圍觀的人呀！
 |
| 街頭賣藝的人及圍觀者 |
快將開幕的Zara, 熱織期待！
 |
| Zara is here soon!!! |
小女孩賣唱中， 可惜沒有人停下來欣賞～
 |
| A family band?? |
終於到達酒店， 快與素未謀面但又認識了好一段日子的Wendy見面， 有點緊張．．．．
 |
| Westin Hotel, Sydney |
Wendy只有短短的一個多小時自由時間，因為我未食Lunch, 她陪我到QVB吃點東西。
“Wendy, 雖然見面時間很短， 但很開心你願意和我分享你的事情， 還送我這麼貼心的見面禮， 我是超級喜歡的啊～！！！第一次見面， 你給我的感覺很成熟， 獨立能幹， 很硬淨的那種女孩， 是我希望自己可以成為的那類型。不知我在你面前是不是很幼稚呢？希望日後你會再來悉尼啦～可以多點時間去玩。亦都祝福你在香港開開心心， 願望成真！”
 |
| me &Wendy＠QVB |
Thanks Wendy for these lovely present！Love them!
 |
| Wendy ﹠ me |
 |
| Wendy@QVB |
 |
| Wendy ﹠ Jeannie@ QVB |
和Wendy分開後， 我自己閒逛City, 始終現在很少到City， 趁機會周圍看看．．．到Kinokuniya看書．．．最後在Freedon買了個浴室架，自己抬返屋企， 勁！
看準火車時間表， 差不多七點多點到家，（又是沒冷氣的車廂 ﹣＿﹣“）。
回到家立即和老公去游水，實踐我的健康生活， 我要努力呀！！
2011年1月14日星期五
20101217 - 好友到步
其實冇寫Blog呢段日子， 都發生左好多好值得記念既事。好似上年十二月， 我的好朋友同佢老公黎澳洲玩。 呢個朋友識左有18年啦， 咁難得我地兩對couple係澳洲一齊玩， 所以一定要記低兼重溫一下。
12月17日（星期五）
今日佢地中午到達Sydney, 因為我未放工既關係， 我叫佢地搭Taxi去City搵我老公放低行李，然後係City逛下， 等到我老公放工就接佢地返屋企。係呢段時間， 我就係屋企執屋。雖然話大家咁熟， 同居左咁多年，佢都好清楚我個人有幾企理：P， 我亦唔介意佢見到我亂七八糟既狗竇。不過都係覺得個好友咁難得住係我屋企， 都想佢住得舒服D既～！
差不多六點幾， 佢地終於都到左我家．．．
因為我返早（5AM﹣1PM）， 再加埋一下子狂做家務， 佢地黎到我個人己經散晒， 反而佢地舟車勞動左一日， 重鬼咁精神， 放緊假真係唔同D。本來諗住帶佢地去Ribs and Rumps食扒， 但係星期五晚Book唔到位， 要到好夜先有得食， 最後去左The Ranch@ North Ryde食。
兩個老公研究緊食乜．．．
兩個老公研究緊食乜．．．
等食指定動作﹣影相
The Ranch 係自助形式， 自己搵位坐， 自己去Counter買野食俾錢， 之後俾個Call機既野你等攞野食。雖然冇人Serve， 不過我都幾中意個地方同食物。而且平日好多時有優惠Lunch, 都值得去架～
The Ranch
Corner of Herring and Epping Roads
Corner of Herring and Epping Roads
Eastwood NSW 2122
我地四個人兩個Mains+一個Entree都好夠飽．．．．
食完飯都九點幾， 悉尼係冇乜夜生活既， 之後就返屋企。
我屋企得一房， 佢地要做廳長， 訓我地為佢準備既吹氣床， 咁就係佢地係Sydney既第一日喇！
《待續．．．．．．．》
2011年1月11日星期二
20110111﹣ 出血， 睇中醫
今日唔知醒， 搞到遲左返工， 未夠7點返到去都己經冇晒Parking spot, 要泊Mac Centre。因為每3個鐘要郁車一次, 明明有帶飯都走左出去食。食飽飽就出左一陣街， 結果出埋血， 買左樓下D堆野．．．．
藍色薄身外套（見佢質地好C服， 夏天去有冷氣既地方著）
藍色薄身外套（見佢質地好C服， 夏天去有冷氣既地方著）
 |
| Drawstring Neck Pock Jacket From Portmans |
 |
| Butterfly Bust Dress From Portmans |
 |
| Hello Kitty Pyjama From Big W |
 |
| Eylure fake eye lash From Big W |
放左工之後約左Queenie姐姐食下午茶， 之後聽媽咪話去睇一睇中醫， 調理一下身體。醫生係一個好老既婆婆， 佢幫我打完脈就知道我平時有咩問題， 好似好勁咁。 我細個時好抗拒中醫， 一方面覺得睇中醫好娘， 另一方面覺得中醫好慢。好像頭痛， 傷風咳咁， 睇西醫啪粒丸就好快好啦， 中醫又要飲苦茶， 慢慢等才好。不過越大越覺得西醫同中醫係可以互補既， 而且中醫比我既感覺係比較治本。
今日個女醫師話我腎虛， 我上網SEARCH過， 好多都市人都有呢知問題。佢俾左個清單我， 叫我要識得“食”， 即係食中性既食物， 少食涼性同熱性。有時間我將佢打出黎， 同大家分享下。（因為我要早睡早起， 唔可以成日上網搞到夜訓啦！）
2011年1月8日星期六
20110108
 |
| Afternoon tea @ Carlingford Village 越港 |
由星期四晚到今日星期六一直頭赤赤痛， 一日睡足十幾個小時都止不了頭痛， 睡醒了不久又開始有睡意， 什麼都提不起勁去做， 躺在床上煲劇集， 看累了又眠一眠。“囧探查過界” 一日內己經給我煲到第十集， 這套劇輕鬆搞笑， 蠻好睇的喔～！
老公接了大PROJECT， 整個一月都會忙， 希望他一月內忙完以後， 二月可以休息， 可以帶我去Road trip。雖然他工作超忙， 下午都陪我到Carlingford Village食下午茶。＄6.8一個茶餐＝ 越南生牛肉粉＋珍珠奶茶， 好抵食！
嘆完下午茶又急急回家工作， 我又繼續煲劇， 玩iPad。為了辛勤工作養家的老公， 我當然不可以隋懶， 晚上煮住家飯給他吃。我晚飯的時候問老公，“點解要咁辛苦搵錢？”他答我因為將來有一天他要一個養五個。我知道他為了我， 為了我們將來一家的生活， 現在才如此拼博， 他是真的把整個經濟的擔子放在他自己一個身上， 而且我明白他要求自己不只是單單養活我們一家， 還要給我們好的生活。老公呀～我這一刻覺得做你的妻子是蠻幸褔的呀！我希望自己可以把這個家裡的家務做得妥貼一點， 讓你不會住在一個狗竇般的家； 又會努力煮好東西給你吃， 不要你餓到瘋時要吃即食麵那麼淒慘。
現在己經晚上十二點， 你還在捱夜工作中， 我也迫自己在你回來前把碗洗好， 把衫燙好．．．才去睡。明天一早還要去朋友的婚禮呀～～～～
．．．還未想好明天要穿甚麼， 以前去婚禮一定會給自己藉口買新裙子新手袋新鞋， 今次思前想後決定不買， 我真的學懂“慳錢”嗎？ 哈哈～～！：D （算是好開始吧！）
．．．還未想好明天要穿甚麼， 以前去婚禮一定會給自己藉口買新裙子新手袋新鞋， 今次思前想後決定不買， 我真的學懂“慳錢”嗎？ 哈哈～～！：D （算是好開始吧！）
2011年1月5日星期三
Those were the days
今日行街時聽到這首歌， 真的很動聽， 我重複聽了許多遍，
“Those were the days, my friend
We thought they'd never end
We'd sing and dance forever and a day
We'd live the life we'd choose
We'd fight and never lose
Those were the days, oh yes, those were the days.....LaLaLaLa....."
一邊聽一邊懷念著舊日子。
最令我懷念的， 莫過於中學寄宿至到澳洲讀書的時光，
那時候無憂無慮，天天和友人在一起。
畢業己經十年有多了， 和很多要好的朋友天各一方， 大家都為自己的家庭事業忙碌著。除了間中在Facebook update 一下近況，己經很少見面了。
有時會感觸大家都長大了， 那些青蔥歲月離我們愈來愈遠．．．．．．
朋友呀～在忙碌的日子裡， 當我停下來， 還是會想念你們每一個呀！想想你們過得好嗎？但願你們都幸福， 健康快樂地生活啊～！
20101227 Night - Sandy's hens night dinner
恭喜Dy姐2011年和男友拉埋天𥦬
"Cheers~~!!!"
 |
| Me, Cora, Mabel and Sandy |
 |
| @Oysters Bar, Chatswood Chase |
祝Sandy ﹠ Kam婚姻美滿！
訂閱：
文章 (Atom)